حقابله بكره .. مش بعد بكره

نمت بعد اكله مرتلاف بالجبنه ( ومتسألينيش يعنى ايه جبنه) وحلمت بالزعيم اللى رفع راسنا قدام الغرب وحامينا من العولمه والعوالم

انا : ياه يا زعيمنا دنتا كلك منور والله
هو : منور ايه يا كافر ده نور الفانوس المؤيين ( يقصد اللمبه)
انا : العفو يا زعييم العتب على النظر
هو: لخص يا امعه ماذا تريد ؟؟
انا : والله يا زعيم كنت عايز اعرف هو انت ناوى تعمل ايه فى المحروسه.
هو : المحروسه دى تبقى .... ( حذفها عقلى بعد ما صحيت عشان متعود على الرقابه)
انا : طب ليه قلة الادب دى يا كبير لو كنت اخطأت صلحلى ولو لم اخطئ فلماذا تتلفظ بهذا البذءات ( قلت اكلمه بالنحوى يمكن يتأدب ) ؟

هو: المحروسه دى يقولوها العيال المعلملييييين ( قصده طبعا العلمانيين ) اللى زيك لكن احنا بنسميها القطر او الاماره النيلى.
انا : يادى النيله هو فى ايه يا با هو ناصر بسببكم يسميها القطر الجنوبى وانتم عايزين تسموها الاماره المنييله ؟
هو: مهو لما هنحكمها بالعدل.. قوم .. الزباله اللى زييك وما بيفهمش فى شريعتنا هنخلص منه.. وهتبقا كلها مهلبيه يا وله.. ولن يكون هناك اى كبنيه ( يقصد باتيه ) يعنى مهلبيه بس ....
انا : كمان يعنى هتحكمها بالعدل !! قصدك من الشمال لليمين ولا من فوق لتحت ؟؟ يعنى بنظام الخلافه الراشده ولا الاماميه ولا الاصوليه ولا الوهابيه ؟؟؟
هو: بالعدل مش بالعدل بتشديد العين يا عديم العين . يعنى المعنى فى بطن الشاعر .
انا : طيب يا عم قولى مين الشاعر ده وانا اطلع الجن من بطنه .
هو : اقولك مين الشاعر ده ومتزعلش ؟
انا : على فكره لو متعدلتش بكسر العين هكسرلك رجلك ( منا فى حلم بقا ومش خايف ) و عموما... الاسهل ... هقولك طظ فيك وفى اللى يمشى معاك .

هو : طظ ؟؟؟ طظ !!!!! بتقوللى طظ ؟؟؟ خسئت وثكلتك يور مازر ( لانه كان لسه راجع من اجتماع مع سفيره USA)

انا : اه بقوللك انت واللى يتشددلك ما أنت قلت طظ فى مصر وابو مصر ومفيش كلب رد عليك يبقى اقل حاجه ارد عليك فى الحلم.

لسه بيحط الجلابيه فى بقه و هيجرى ورايا

لقيت ناس كتير جايه وفى ايدها شباشب كبيره وشكلهم مستاء جدا........... بدقق فى وشوشهم لقيتنى اعرفهم ياه الله..... عباس العقاد والشيخ محمد عبده و بيرم و جمال حمدان و فريد النقاش وقاسم امين وطلعت حرب ومكرم عبيد والنحاس و يونان لبيب وجمال والجمسى واحمد اسماعيل واحمد بهاء الدين ويوسف ادريس وفرج فوده وسعد زغلول ...,....,.....,.....

بس يا خساره كلهم كانو ميتين............

قمت من النوم مرعوب وحاسس بخنقه وبسأل نفسى طيب وبعدين !!! لقيت نفسى بقول لنفسى .....( نام يا سيدنا عشان تكمل الحلم .........نام دا نوم الظالم عباده........ خخخخخخخخخخخخخخ )

أتوبيس 13 بشرطتين //

اتوبيس نصر ماجروس 345 أظ يسير فى شوارع المحروسه بشنطه مفتوحه وشكمان عالى وعليه اعلان اخضر وناس حرانه راكبه جوه دفعت اللى عليها وبتحلم فى اشاره روكسى متجهه الى ......!!!!
محمود الحمصانى - يفكر فى ما يجب ان يفعل للاتحاق بجماعه الاخوان وهو يعنى لازم ادور على اخوانجى عشان يضمنى!! عاوز اجاهد . اه يا ولاد الكلب راكبيين الــBM 320 I وتلاقيكم شويه حراميه.

سيد العدل - يحلم بالالتحاق بكليه الشرطه ليطهر البلد من الاخوان بعد ماجاب مجموع 84% فى الثانويه وبعد ما بابا اتبهدل عشان يديله دروس فى كل حاجه لكن ربنا يستر لان كشف الهيئه مافيهوش دروس خصوصيه !!

ساميه حسن - بتحسبها كيف سيكفى المرتب والنهارده يوم خمسه وخلص كله تقريبا والحكومه بنت الكلب بتقول ان الاسعار بدأت تنزل !! تنزل فين قال تنزل قال , بنهار ده البيت قرب لما اجهز نفسى عشان انزل!!

مراد مايكل –يسأل يا ترى سلوى هتيجى النهارده ولا ابوها هيمنعها من النزول ؟ مهو من يوم ما عاش فى الدور بتاع ابونا جرجس وهو شغال فى ده حرام وده غلط ونزول لا واغانى لأ وهيه مخنوقه وخنقانى !! ال يعنى هيه ناقصه خانقه لما ابن الحمار اللى هناك ده يولع سجاير كمان الله يحرق السجاير واللى بيشموها !!

الحاج احمد استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله. الله....... دنا نسيت ال ام محمد طلبته منى وانا راجع من الشغل يا حول الله ..... استغفر الله استغفر الله استغفر الله استغفر الله

البت سعاد بتفكر هو الست الصغييره بنت الست هانم بتشترى الهدوم دى بكام والكمبرورر ده بتشوف فيه ايه كل الوقت ده ؟؟ ده حتى ستى مبتعرفش تكلمها كلمتين على بعض زى امى مبتكلم معانا على العشا يا ترى بيعملو فيه ايه كل يوم وبيبصوا قوى جواه كده ليه ؟ ياترى هعرف احوش عشان اجيب فالنه جديده ولا هعرف اجيب طرحه بس ؟ يا بختك يا ست سميره .

سامى- بيشم نفسه عشان انا فاشل فاشل زفت وحمار لا مجموع فى الابتدائيه ولا فى الاعداديه ولا عرفت ادخل اعلام فى الزفت الثانويه ولا عرفت اشتغل فى البنك زى ابراهيم ابن المحظوظه !! فاشل فاشل فاشل هههه جواز عتريس من فؤاده فاشل فاشلهاهاههه . وناصر فاشل امم البلد. والسادات فاشل باع البلد. والحكومه فاشله مش عايزه حريه. جواز عتريس من فؤاده فاشل فاشل دربم بم فاشل . نفسى احب واتحب زى ولاد الكلب دول بس المشكله انى فاشل فاشل .


يا اخوانا الاتوبيس عطل كله ينزل هنا اخرنا ---- اصوات وتأففات زززززززهبتهبتربىرب رثبقر ثقر ثق

فيه ايه يا اسطى بس – يا باشا ترس الحدوقه ضأر فى الحندقوق ومش هينفع نتحرك من هنا غير لما نصلحه

الله ؟؟!! استغفر الله استغفر الله استغفر الله استغفر الله استغفر الله

6 ابريل رايح جاى

هتشتم وهأتهم انى عميل وعامل عمايل وبعمل معيل وهعمل شمايل وكل الاتهامات من اول الماركسيه البرجوازيه المنحطه الى الرأسماليه الاخوانيه الى الليبراليه العلمانيه المتارجحه تأرجح المراجيح. لكن اسف جدا هى دى الحقيقه المررررره وهو ده مفتاح الشخصيه اللى اتكلم عليه ابونا عباس العقاد . المفتاح اللى تقدر تفسر بيه حاجات كتير مش قادر تفسرها.

المهم محدش عارف اتولدت ازاى (بالدقه العلميه) لكن اختلف الفقهاء
منهم من قال ( انها وليده الوطن المعانى ) بضم الميم
ومنهم من قال انها بنت الصدفه ( طبعا مش صدفه حسب الله بعطشى )
منهم من قال انها اتفاق بين الاخوان وحزب الغد الاصلى ( مش المضروب) وعرفوا ان هناك اضراب فى المحله فركبوا الموجه

مش مهم سيبك وحاول تفكر وتقرر ( فلن احجر على تفكيرك زى الناس الوحشه ) لكن اليك بعض من الارشادات وحاول تفسر انت
- اسراء واحمد و.وو ..ووو .. كل المعتقليين فى 6 ابريل من حزب الغد ( اللواء فؤاد علام - ولم يستطع احدا ان يعلق بلا)
- ثم دخل الاخوان بعد 6 ابريل وقبل 4 مايو بناء على تعليمات من هيئه الارشاد لدعم 4 مايو


- وفى يوم ضربوا احمد وقال ايه ( بيسألونى ) قالوله اعترف يا وله على كلمه السر وكسرم النظاره ولاد الوحشيين والغريبه ان وهو بيحكى كان بيضحك كأن الموضوع مسلى ( صناعى طبعا ومش النخلتيين ) وهتلاقو الكلام ده فى الفيديو http://www.youtube.com/watch?v=mEITXFfVYms&feature=related

السؤال هو لماذا لم يقم نضال بالكشف الطبى - ولماذا لم يعتقل مثل العشرات من اصدقاءه ولماذا لا يرد على اى اقتراحات ولماذا اغلق الجروب . الاجابه هى الديموقراطيه يا عالم الديموقراطيه الحمراء او الخضرا او البرتقالى وطبعا يا ولاد الموضوع ده بيفكرنى بما حدث مع د/ ايمن نور لما الاعداء كسروا المنصه فى طنطا لما كان فى الشنطه وقالهم لهم بالفم المليان ( لن نسكت لن نتوقف ) بعد ما شالوه هيلا هوب من تحت المنصه اللى اتكسرت .

قوم ايه قالو نعمل اذاعه قوم ايه مش مهم بتتمول منيين ولا مين وراها قوم ايه يطلع اسامه رشاد طبعا محدش يعرف اسامه رشاد لاننا شعب لا يقراء ولا يبحث ولا يدقق المهم الثوره الجامده وخلاص ( فتشوا الكتب واللى ميعرفش يقولى وانا هقولى لغايه من خلص الكلام كله على رائ الطقطوقه القديمه)
- وصل الموضوع لغايه سب الدين( محذوف لعدم ملائمه التعليق ) فى الجروب ولغايه اطلع من بيتى يا كلب ولغايه ده بيت احمد المناضل المستمر .
- قالك ايه قالك اه قالك نعمل برنامج مع الاستاذ معتز ( اللى اشتغلهم تمااااام ) وفى هذا البرنامج قال احمد ( احنا حايزين نصلح مصل ) وطبعا لاحظوا الاتى الخوان مستخبيين والجروب غسل احمد عشان لا كان عارف يتكلم ولا كان شكله يوحى بأى فهم ( الله امال مين بيحرك الجروب ؟ ومين هو اللى عنده فهم ؟)
- قالك اسراء رجعت تانى امال شيماء هتعمل ايه ومشيره هتروح فين قوم اتخانقوا وزاد الطين بله ما كتبته المصرى اليوم وزاد البله روبه ( وهيه اكبر من البله والطين ) تفسير المناضله اسراء عن سبب الخروج من المؤتمر الا وهو ( هتأخر عا القطر وانا ساكنه فى حته وحشه وبعيده )

- قامت الخناقات اتفرج يا سلام

طبعا الصوره دى رد من نضال مستمر على ما طلب منه بعد برنامج 90 دقيقه

لماذا اهاجم هؤلاء الشباب ؟ لماذا الحزن والالم ؟

كل ما بنى على باطل فهو باطل

لا للاصوليه الفكريه والدينيه وتحقير الاخر

لو ماكانش فى ديموقراطيه فانا ( واعوز بالله من قولة انا ) افضلها مهلبيه وبالمكسرات ( وتلك هى المكسرات)

نعاويين - عياوينن ييييه اقصد

عناوين الجرائد سنه 2033

اطلاق حمله المليون حديده لانهاء احتكار اكمل رز
---
السيده شاكيره تفتتحح احدث موديل للسياره شاهين – السياره مجهزه بجهاز تنفص صناعى طبيعى جديد
---
الانبا مرقص افندى يبايع ذكى ذكواه فى حفله تدشين رابع خزنه من خزنه السرييه
---
افتتاح المرحله التاسعه من مشروع ابنى بيت لولادك قبل ما الحكومه تنسييك مراتك
---
من اطلق الرصاص على سلوى حجازى ؟ ومن وضع لها السم فى العسل ؟
---
السيد خفيف يصرح ببناء مستوطنه فى الزمالك لولاد الكلب
---
السيد اكمل رز يؤكد ( لا تهاون مع تضارب المسارح )
---
شهدى خائف يقول طظ فى بنها وابو بنها بعد ان قال طظ فى قنا وابو قنا!!!!!
---
الشيخ خامد العسكرى يقول : نعم لقد شدت بنطلونى ولن اسامحها فى الحزام
---
الانبا تتس يهنئ الامه بأنشاء الكنيسه رقم 138855 فى المهجر وبها 3 مصللين فى الغربه
---
كامل الفذلى يعترف : مش انا اللى عطست يا ريس
---
الفنانه الفذه موننا تصرح : انا مبقلدش الست امينه ولن اركب الحنطور عشان مفيهوش اير باج
---
وفاة اخر مواطن من جيل الستينيات المنحرف فكريا بعد ان عرف ان جمال عبد الناصر لم يكن زعيما
---
الفنان العالمى خامد يوسى : انا مش كوبايه لكن افلامى كلها معالق

-----------

----

--

-

ع الكوبرى

م 2020
المكان كوبرى الملك الصالح

سعاد : واحشنى يا سمير
سمير : والله وانت كمان يا حبيبتى
سعاد : ولما انا وحشاك ليه مسألتش عليا بقالك يوم ؟
سمير : يا حبيبتى ما انا سالت عليكى الصبح !!
سعاد : هو الرساله دى كانت سؤال يا خفيف ؟
خفيف ( اقصد سمير ) : طبعا اما كانت ايه ؟
سعاد : هو انتى ليه مش رومانسى زى زمان من اسبوعين ؟
سمير : والله انا زى ما انا انت اللى مزاجك طالب عكننه ؟
سعاد : يعنى بقيت انا النكديه لكن لما تجيلك مكالمه من اى واحده من الالاديش صحباتك بيبقى كوسين !!!
سمير : يا ستى حقك عليا
سعاد : ولا حقك ولا حقى نطللق
سمير : ينهار مهبب ؟ هو احنا اتجوزنا عشان اطلققك
سعاد: مهبب !! بتقول مهبب ؟؟؟ مهبب ده اليوم اللى شفتك فيه
سمير : مش عارف اعمل ايه يعنى اموت نفسى ؟؟
حاجه تقرف حاجه تجن حاجه .............................
كلوز اب على وجه سمير
تنعدم كل الاصوات حتى صوت بكاء سعاد
تتلالاء شمس الظهيره على صفحه النيل
سمير يقفز فى ثانيه نحو الماء --------
------
----
--
-مياه ..اصوات بقاليل يد قويه جدا تسحب سمير من اعماق النيل من حيث اسماك القرش ----------------

------ليل خارجى
كلوز على منظر المياه وهى تخرج من فم وانف سمير وبجانب وجهه بوصه وورقه جرايد قديمه وطرف بنطلون جينز ازرق غامق Lee---
--------
----
--( اصوات فقط مفيش مناظر خالى )
سعاد : انت عايز تسيبنى وتموت يا سمير اتق الله بقوللك سيبنى مش موت
سمير : امال اعمل ايه يا قلبى قوليلى مهو انا طهقت
سعاد : ط ل ق ن ى
سمير : مش هطلق مش هطلق مشهطلق --------------
-----
---
--مشهد خارجى ليلى
كوبرى الجلاء
من بعيد يأتى د صوت الست كوكب الشرق شرين وهى تغنى الغنيه القديمه والعجيبه ( هركب الحنطور , تكلم تكلم )
وفى ركن الشاشه مشهد من بعيد لاثنين على الكوبرى
لكن الصوت مسموع احمد: بحبك
ميس : وانا كمان يا احمد .وعلى فكره انت واحشنى
احمد : وانتى كمان يا ميس
ميس: ولما انا وحشاك ليه مسألتش عليا بقالك يوم ؟
احمد : يا حبيبتى ما انا سالت عليكى الصبح !!
.................
....
..
صوت طلق نارى قوى جدا
صمت تام
ظلام تاممممممممممممممممممممممممممممممممممممم

ومن بعيد ورقه صحيفه الدستور القوميه مكتوب بالبنط العريض
من قتل سمير ؟ من دفعه من الشرفه ؟ ام مات بطلق نارى ؟ اهو انتحار ام تصفيه؟