نمت بعد اكله مرتلاف بالجبنه ( ومتسألينيش يعنى ايه جبنه) وحلمت بالزعيم اللى رفع راسنا قدام الغرب وحامينا من العولمه والعوالم
انا : ياه يا زعيمنا دنتا كلك منور والله
هو : منور ايه يا كافر ده نور الفانوس المؤيين ( يقصد اللمبه)
انا : العفو يا زعييم العتب على النظر
هو: لخص يا امعه ماذا تريد ؟؟
انا : والله يا زعيم كنت عايز اعرف هو انت ناوى تعمل ايه فى المحروسه.
هو : المحروسه دى تبقى .... ( حذفها عقلى بعد ما صحيت عشان متعود على الرقابه)
انا : طب ليه قلة الادب دى يا كبير لو كنت اخطأت صلحلى ولو لم اخطئ فلماذا تتلفظ بهذا البذءات ( قلت اكلمه بالنحوى يمكن يتأدب ) ؟
انا : ياه يا زعيمنا دنتا كلك منور والله
هو : منور ايه يا كافر ده نور الفانوس المؤيين ( يقصد اللمبه)
انا : العفو يا زعييم العتب على النظر
هو: لخص يا امعه ماذا تريد ؟؟
انا : والله يا زعيم كنت عايز اعرف هو انت ناوى تعمل ايه فى المحروسه.
هو : المحروسه دى تبقى .... ( حذفها عقلى بعد ما صحيت عشان متعود على الرقابه)
انا : طب ليه قلة الادب دى يا كبير لو كنت اخطأت صلحلى ولو لم اخطئ فلماذا تتلفظ بهذا البذءات ( قلت اكلمه بالنحوى يمكن يتأدب ) ؟
هو: المحروسه دى يقولوها العيال المعلملييييين ( قصده طبعا العلمانيين ) اللى زيك لكن احنا بنسميها القطر او الاماره النيلى.
انا : يادى النيله هو فى ايه يا با هو ناصر بسببكم يسميها القطر الجنوبى وانتم عايزين تسموها الاماره المنييله ؟
هو: مهو لما هنحكمها بالعدل.. قوم .. الزباله اللى زييك وما بيفهمش فى شريعتنا هنخلص منه.. وهتبقا كلها مهلبيه يا وله.. ولن يكون هناك اى كبنيه ( يقصد باتيه ) يعنى مهلبيه بس ....
انا : كمان يعنى هتحكمها بالعدل !! قصدك من الشمال لليمين ولا من فوق لتحت ؟؟ يعنى بنظام الخلافه الراشده ولا الاماميه ولا الاصوليه ولا الوهابيه ؟؟؟
هو: بالعدل مش بالعدل بتشديد العين يا عديم العين . يعنى المعنى فى بطن الشاعر .
انا : طيب يا عم قولى مين الشاعر ده وانا اطلع الجن من بطنه .
هو : اقولك مين الشاعر ده ومتزعلش ؟
انا : على فكره لو متعدلتش بكسر العين هكسرلك رجلك ( منا فى حلم بقا ومش خايف ) و عموما... الاسهل ... هقولك طظ فيك وفى اللى يمشى معاك .
هو : طظ ؟؟؟ طظ !!!!! بتقوللى طظ ؟؟؟ خسئت وثكلتك يور مازر ( لانه كان لسه راجع من اجتماع مع سفيره USA)
انا : اه بقوللك انت واللى يتشددلك ما أنت قلت طظ فى مصر وابو مصر ومفيش كلب رد عليك يبقى اقل حاجه ارد عليك فى الحلم.
لسه بيحط الجلابيه فى بقه و هيجرى ورايا
انا : يادى النيله هو فى ايه يا با هو ناصر بسببكم يسميها القطر الجنوبى وانتم عايزين تسموها الاماره المنييله ؟
هو: مهو لما هنحكمها بالعدل.. قوم .. الزباله اللى زييك وما بيفهمش فى شريعتنا هنخلص منه.. وهتبقا كلها مهلبيه يا وله.. ولن يكون هناك اى كبنيه ( يقصد باتيه ) يعنى مهلبيه بس ....
انا : كمان يعنى هتحكمها بالعدل !! قصدك من الشمال لليمين ولا من فوق لتحت ؟؟ يعنى بنظام الخلافه الراشده ولا الاماميه ولا الاصوليه ولا الوهابيه ؟؟؟
هو: بالعدل مش بالعدل بتشديد العين يا عديم العين . يعنى المعنى فى بطن الشاعر .
انا : طيب يا عم قولى مين الشاعر ده وانا اطلع الجن من بطنه .
هو : اقولك مين الشاعر ده ومتزعلش ؟
انا : على فكره لو متعدلتش بكسر العين هكسرلك رجلك ( منا فى حلم بقا ومش خايف ) و عموما... الاسهل ... هقولك طظ فيك وفى اللى يمشى معاك .
هو : طظ ؟؟؟ طظ !!!!! بتقوللى طظ ؟؟؟ خسئت وثكلتك يور مازر ( لانه كان لسه راجع من اجتماع مع سفيره USA)
انا : اه بقوللك انت واللى يتشددلك ما أنت قلت طظ فى مصر وابو مصر ومفيش كلب رد عليك يبقى اقل حاجه ارد عليك فى الحلم.
لسه بيحط الجلابيه فى بقه و هيجرى ورايا
لقيت ناس كتير جايه وفى ايدها شباشب كبيره وشكلهم مستاء جدا........... بدقق فى وشوشهم لقيتنى اعرفهم ياه الله..... عباس العقاد والشيخ محمد عبده و بيرم و جمال حمدان و فريد النقاش وقاسم امين وطلعت حرب ومكرم عبيد والنحاس و يونان لبيب وجمال والجمسى واحمد اسماعيل واحمد بهاء الدين ويوسف ادريس وفرج فوده وسعد زغلول ...,....,.....,.....
بس يا خساره كلهم كانو ميتين............
بس يا خساره كلهم كانو ميتين............
قمت من النوم مرعوب وحاسس بخنقه وبسأل نفسى طيب وبعدين !!! لقيت نفسى بقول لنفسى .....( نام يا سيدنا عشان تكمل الحلم .........نام دا نوم الظالم عباده........ خخخخخخخخخخخخخخ )
هناك 9 تعليقات:
يا ترى الاحلام دى سببها الانشحناط و لا فى عامل استفزاز جديد؟؟
والله يا مهره سببها المرتلاف بالجبنه هاهههههه . اهلا بيكى
80 مليون طز فى حضرته بعدد الشعب المصرى كله
وياريت الحلم كان حقيقه والناس اللى شوفتها رجعت تانى
والله يا قطه الصحراء اعتقد ان لو كان المهدى ناوى يسحب كلامه حيبقى خوف منك
هاههاهاهههاهه
تحياتى
ومازال الحلم قائما
اشكرك على الزيارة والتعليق
سمراء
بصراحه اسلوبك مسخره ويهلك من الضحك ويخلي الواحد يعيط في نفس الوقت بس بيني وبينك رغم كرهي للاخوان لكني ساعات باتعاطف معاهم لانهم الحاجه المنكده علي الحكومه والناس بتحبهم فعلا الناس الغلابه الفقراء اللي ماحدش حاسس بهم يمكن احنا بنعيب عليهم انهم عاوزين سلطه وانهم كدابين لكن ماتنكرش ان ناس كتيره مستعده تقف معاهم
انا بيني وبينك نفسي في حلم كده بس صعب جدا نفسي فعلا في مثال لدوله اسلاميه معتدله متقدمه يكون حزبها زي حزب عبد الله جول يكون حزب اسلامي معتدل متنور مش بتاع ايها الكفره والعنه عليكم
عاوز ناس زي محمد سليم العوا وعبد الوهاب المسيري الله يرحمه وامثالهم هم اللي يحكموني مش مجرد ناس عاوزه تقيم الحخد عليا علشان ماصليتش السنه بتاعه الظهر
او دخلت الجامع برجلي الشمال
نفسي في مثال لدوله اسلاميه بقواعد متنزنه حاجه كده زي اللي حاول ابن رشد يعملها بس شطحت منه زياده
هو ده حلمي بس
ماهو اجدع حاجه يعملها يقول كلام ويسحبه تانى زى العيال الصغيرة
حتى ساعات العيال الصغيرة بتحترم كلمتها
وبعدين لازم يخاف منى يابنى
اصل دى ناس تخاف مش تختشى
Dr. Lecter
هو ده حلم اى انسان عاقل واى انسان بيحب مصر . وهو ده حلم الحريه والعدل اللى كلنا بنحلم بيه . سميه اسلامى زى حزب العداله او سميه مسيحى زى الحزب الديموقراطى الالمانى او حتى زى شافيز لكن يفضل الحلم بالعدل والحريه حلم الانسان السوى .
تحياتى
ذكرني اسلوبك بقصيدة الرائع أحمد مطر والتي تحمل عنوان "حلم" يقول فيها:
وقفتُ بين يدي مُفسِّرِ الأحلامْ
قلتُ له : ياسيدي رأيتُ في المنامْ
أني أعيشُ كالبشرْ
وأنّ من حولي بشرْ
وأنّ صوتي بفمي
وفي يدي الطعامْ
وأنني أمشي ولا يتبع من خلفي أثرْ
فصاحَ بي مرتعدا : يا ولدي حرامْ
لقد هزئت بالقَدَرْ
يا ولدي ، نمْ عندما تنامْ
وقبلَ أنْ أتركهُ تسللت من أذني
أصابعُ النظامْ
واهتزَّ رأسي وانفجرْ !
ربنا يستر علينا جميعا !!!!!!0
بس اقولك على حاجة: مش عارف ليه مش قلقان على مصر ولا قلقان من اللي بيقولوا لها طز وحاسس انها حتروق وتحلى !!!!!!!!0
بالمناسبة لازم كان يكون في شخوص حلمك العبقري نجيب سرور لأنه الوحيد اللي كان حيقدر رد على بتاع الطز بديوانه الشهير !!!!!!!!!0
وعشان خاطر مصر تشيل موضوع تأكيد الكلمة عند كتابة التعليق.
عميق تحيتي وخالص مودتي
إرسال تعليق